«Արսենալը» դիտարկում է Մաուրիցիո Սարիի թեկնածությունը

Լոնդոնի «Արսենալի» ղեկավարությունը գլխավոր մարզիչի պաշտոնում իսպանացի Միկել Արտետայի փոխարինող է փնտրում եւ դիտարկում է հռոմեական «Լացիոյի» 63-ամյա իտալացի գլխավոր մարզիչ Մաուրիցիո Սարիի թեկնածությունը, հաղորդում է Football Italia-ն:

«Լացիոյի» հետ պայմանագրով Սարին իրավունք ունի վաղաժամ հեռանալ պաշտոնից, եթե առաջարկ ստանա ոչ իտալական ակումբից: Նա 2021թ. ամռանն է գլխավորել «Լացիոն»:

2018-2019-ին Սարին գլխավորել է լոնդոնյան «Չելսին»՝ նվաճելով Եվրոպայի լիգայի գավաթը: