Հայաստանն ընդունել է Ադրբեջանի առաջարկած հինգ սկզբունքները. Ալիևը` Պուտինին

Հայաստանն ընդունել է միջպետական ​​հարաբերությունների հաստատման համար Ադրբեջանի առաջարկած հինգ սկզբունքները: Այդ մասին ՌԴ նախագահ Վլադիմիր Պուտինի հետ հեռախոսազրույցում հայտարարել է Ադրբեջանի նախագահ Իլհամ Ալիեւը, հաղորդում է Սպուտնիկ Ադրբեջանը։

Նշվում է, որ Պուտինն ու Ալիևն անդրադարձել են սահմանի սահմանազատման և Հայաստանի ու Ադրբեջանի միջև խաղաղության պայմանագրի նախապատրաստման աշխատանքների մեկնարկին։

Ավելի վաղ, ինչպես հայտնի է, ՌԴ նախագահ Վլադիմիր Պուտինը հեռախոսազրույց էր ունեցել Հայաստանի Հանրապետության վարչապետ Նիկոլ Փաշինյանի հետ։