ՌԴ Կուրսկի մարզում սահմանային դիրքը գնդակոծվել է Ուկրաինայի կողմից. նահանգապետ

ՌԴ Կուրսկի մարզի Ելիզավետովկա բնակավայրի մոտակայքում գտնվող սահմանային դիրքը գնդակոծվել է Ուկրաինայի կողմից։ Այս մասին հայտնել է Կուրսկի մարզի նահանգապետ Ռոման Ստարովոյտը Telegram-ի իր ալիքում։

«Այս գիշեր Ուկրաինան ականանետեր է արձակել Գլուշկովսկի մարզի Ելիզավետովկա բնակավայրի մերձակայքում գտնվող սահմանային դիրքի ուղղությամբ։ Ոչ ոք չի տուժել, վնասներ չկան»,- գրել է մարզպետը։

Ստարովոյտը մանրամասնել է, որ այն կետը, որտեղից արձակվել է կրակը, ճնշվել է ռուս սահմանապահների պատասխան կրակով։ Նրա խոսքով՝ սահմանամերձ շրջաններում իրավիճակը այժմ վերահսկելի է։