ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Փորձում են Արցախից հրաժարվելու տարբերակը ներկայացնել որպես նոր պատերազմից փրկելու միակ հնարավորություն

ՔԱՂԱՔԱԿԱՆՈՒԹՅՈՒՆ

Այսօր Ազգային ժողովում ՀՀ վարչապետ Նիկոլ Փաշինյանը ներկայացրեց Կառավարրության ծրագրի ընթացքն ու տարեկան զեկույցը:

1or.am-ը Փաշինյանի ելույթի վերաբերյալ լսել է ադրբեջանագետ Տաթևիկ Հայրապետյանի կարծիքը.

«Կարծում եմ՝ բոլորի համար էլ հասկանալի է, և գնալով ավելի ու ավելի բաց տեքստերով են խոսում, որ իրենք փորձում են Արցախից հրաժարվելու տարբերակը ներկայացնել որպես նոր պատերազմից փրկելու միակ հնարավորություն: Տարբեր ձևերով, տարբեր քարոզչաթեզերով, մանիպուլյացիաներով այն միտքն են փորձում հրամցնել Հայաստանի հանրությանը, որ դա միակ ելքն է: Մինչդեռ ակնհայտ է նաև Ադրբեջանի նախագահի հռետորաբանությունից և իրենց որդեգրած հռետորաբանությունից, որ Ադրբեջանի համար դա ընդամենը միջոց է՝ իր հետագա խնդիրները լուծելու ճանապարհին: Այսինքն՝ իրենք չեն հրաժարվելու ո՛չ «միջանցք» ասվածից, ո՛չ էլ իրենց տարածքային նկրտումներից և խաղաղության պայմանագիր անվան տակ կնքվող այդ կապիտուլյացիան իրականում ավելի է արձակելու Բաքվի ձեռքերը:

Այստեղ հարցն այն է, թե ինչ են արել Հայաստանի իշխանությունները անցած 1,5 տարվա ընթացքում՝ վերընտրվելուց հետո, որպեսզի այս իրավիճակը չստեղծվեր, որովհետև եթե իրենք ազնվորեն խոստովանեին, երբ մուրճը վերցրած՝ ընկել էին տարբեր մարզերով, որ խաղաղության շրջանը հրաժարում է Արցախից և դա վտանգում է Սյունիքը, վստահեցնում եմ՝ իրենք այդ քվեները չէին ստանա, թեև նախկինների՝ ընդդիմություն լինելու գործոնը լավագույնս օգտագործվեց այդ ընտրություններում»:

Անդրադառնալով ըննդիմադիր պատգամավորների Արցախ մուտք գործելու սահմանափակման հետ կապված երեկ տեղի ունեցած միջադեպին՝ ադրբեջանագետը նշեց.

«Ազնվորեն կասեմ՝ իրավիճակը բավականին բարդ է, և, իհարկե հարցրեր են առաջանում: Դա շատ վատ նախադեպ է ինքնին, երբ ՀՀ քաղաքացիների մուտքն Արցախ արգելափակվում է: Կարծում եմ՝ այստեղ նաև պաշտոնյաները պետք է իրավիճակը մի քիչ սթափ գնահատեն: Այդ ամենին պետք է մաքսիմալ ռացիոնալ նայել, խուսափել շոու սարքելուց՝ թեկուզ ներքաղաքական նպատակներով, և հնարավոր կլինի արագորեն պայմանավորվել և խնդիրը լուծել»:

Մարիամ Նալբանդյան

Historical Dates ՊԱՏՄՈՒԹՅԱՆ ԱՅՍ ՕՐԸ
Most Popular