Իմ սպասելիքը մեկն է՝ վերադարձնել մեր երկրի պատիվը և հայ ազգի ազատությունը կապիտուլյանտից. Հայկ Մամիջանյան

ՀՀ ԱԺ պատգամավոր, «Պատիվ ունեմ» խմբակցության ղեկավար Արթուր Վանեցյանը երեկ ուղիղ եթերում տեղեկացրեց, որ գտնվում է Ազատության հրապարակում և այլևս չի պատրաստվում հեռանալ այնտեղից։ Նա նշեց, որ եկել է կրիտիկական պահը, և այլևս ելույթներ ունենալով, հոդվածներ ու ստատուսներ գրելով հնարավոր չէ երկիր պահել։

1or.am-ը զրուցել է ՀՀ Ազգային Ժողովի պատգամավոր, «Պատիվ ունեմ» խմբակցության քարտուղար Հայկ Մամիջանյանի հետ.

«Երեկ գնացել եմ նստացույցի, այսօր էլ կայցելեմ պարոն Վանեցյանին: Ես համարում եմ, որ ցանկացած իրապես ընդդիմադիր գործընթաց, որը միտված է մեր երկրի արժանապատվությունը վերադարձնելուն և Արցախն Ադրբեջանի կազմում հայտնվելուց փրկվելուն, արժանի է աջակցության: Իմ սպասելիքը, առհասարակ, հայ ազգի արժանապատիվ պայքարից մեկն է. վերադարձնել մեր երկրի պատիվը և հայ ազգի ազատությունը կապիտուլյանտից»:

Անդրադառնալով այսօր կայանալիք Փաշինյան-Հարությունյան հանդիպումից ունեցած սպասելիքներին՝ Մամիջանյանը նշեց.

«Եկեք սպասենք պոստ ֆակտումի»:

Մարիամ Նալբանդյան