Արմեն Գրիգորյանը Լեհաստանի պետքարտուղարին ներկայացրել է Լեռնային Ղարաբաղի շուրջ ստեղծված իրավիճակը

Ապրիլի 22-ին ԱԽ քարտուղար Արմեն Գրիգորյանը Վարշավայում հանդիպել է Լեհաստանի Պետքարտուղար, Ազգային անվտանգության բյուրոյի ղեկավար Պավել Սոլոխի հետ, տեղեկացնում են ԱԽ գրասենյակից։

Հանդիպմանը զրուցակիցները քննարկել են տարածաշրջանային անվտանգությանն առնչվող հարցեր: Այս համատեքստում ԱԽ քարտուղարը ներկայացրել է Լեռնային Ղարաբաղի շուրջ ստեղծված իրավիճակը, ինչպես նաև տարածաշրջանային անվտանգության ապահովման ուղղությամբ Հայաստանի մոտեցումները:

Կողմերն ընդգծել են երկկողմ հարբերությունները զարգացնելու կարևորությունը: