Մեկ օրում մոտ 30.000 փախստական է Ուկրաինայից գաղթել հարևան երկրներ. ՄԱԿ

Ռուսաստանի՝ Ուկրաինայում իրականացվող հատուկ ռազմական գործողությունների սկսվելուց ի վեր Ուկրաինայից ավելի քան 5,16 մլն փախստական է գաղթել Ուկրաինայի հարևան երկրներ: Մեկ օրում նրանց թիվն ավելացել է 30 հազարով: Ինչպես հաղորդում է ՏԱՍՍ-ը, այս մասին ապրիլի 23-ին հայտնել է ՄԱԿ-ի փախստականների հարցերով գերագույն հանձնակատարը:

Տղեկությունների համաձայն՝ փետրվարի 24-ից մինչև ապրիլի 22-ը Ուկրաինան լքել է 5 մլն 163 հազ. 686 մարդ: Մեկ օրում հարևան պետությունների սահմանները հատել է 29 հազ. 939 մարդ: