Մակրոնը չի պատասխանել Բայդենի զանգին

ԱՄՆ նախագահ Ջո Բայդենը հայտնել է, որ փորձել է զանգահարել իր ֆրանսիացի գործընկեր Էմանուել Մակրոնին, սակայն նա զբաղված է եղել նախագահական ընտրություններում հաղթանակը տոնելով։ Այս մասին նա ասել է լրագրողներին, փոխանցում է РИА Новости-ն։

«Ես առաջին հերթին լավ եմ գնահատում Ֆրանսիայի ընտրությունները։ Երկրորդ՝ ես երեկ երեկոյան փորձեցի խոսել նրա հետ։ Ես խոսեցի նրա օգնականների հետ, իսկ ինքը Էյֆելյան աշտարակի մոտ տոնում էր»,- ասել է նա։