Արտակ Դավթյանի փաստաբանը՝ ԶՈՒ Գլխավոր շտաբի նախկին պետի խափանման միջոցը փոխելու մասին

Մայիսի 2-ին տեղի է ունենալու ՀՀ պաշտպանության նախկին նախարար Դավիթ Տոնոյանի և մյուսների գործով դատական հերթական նիստը, ինչը կարող է բավականին բեկումնային լինել։ Բանն այն է, որ Տոնոյանի հետ նույն գործով անցնող մի շարք առանցքային դերակատարներ տարբեր խափանման միջոցներով հայտնվել են ազատության մեջ, մինչդեռ Տոնոյանի նկատմամբ ընտրվել է խտրական մոտեցում և նա մնում է կալանավորված։

Մամուլում լուրեր են շրջանառվում, որ հանրահավաքային պայքարի սրացման ֆոնին իշխանությունները մտադիր են առաջիկա օրերին «կոռուպցիոներների» և «պատերազմի մեղավորների» նոր, աղմկոտ ձերբակալություններ կազմակերպել։ Ավելին, Փաշինյանը հրահանգել է բեկանել ազատ արձակման մի քանի վճիռներ և դրանք կայացնողների նկատմամբ սանկցիաներ կիրառել։

1or.am-ը կապ հաստատեց գործով անցնող ԶՈՒ Գլխավոր շտաբի նախկին պետ Արտակ Դավթյանի փաստաբան Մնացական Մարուքյանի հետ՝ ճշտելու շրջանառվող լուրերի հավաստիությունը.

«Ես նման հարցերի չեմ պատասխանում, առավել ևս, Ձեր հարցը քաղաքական ենթատեքստ ունի, իսկ եմ իրավաբան եմ, նման հարցերի ուղղակի չեմ պատասխանում»:

Մարիամ Նալբանդյան