Մի քանի խուժան՝ քաղաքացիական հագուստով, հարձակվել են ցուցարարների վրա. Նիկո՛լ, վիճակդ մի բարդացրա. Իշխան Սաղաթելյան

Քաղաքացիական հագուստով մի քանի խուժաններ երեքշաբթի հարձակվել են «Դիմադրության շարժման» աջակիցների վրա, որոնք Երևանում անցկացրել են քաղաքացիական անհնազանդության ակցիաներ։ Այս մասին երեկոյան Ազատության հրապարակում տեղի ունեցած հանրահավաքի ժամանակ հայտարարել է ՀՅԴ ԳՄ ներկայացուցիչ, ԱԺ փոխխոսնակ Իշխան Սաղաթելյանը, որը տեղի ունեցածի համար մեղադրել է վարչապետ Նիկոլ Փաշինյանին։ 

«Մի քանի հոգի՝ քաղաքացիական հագուստով խուժաններ, հարձակվել են մեր քաղաքացիների վրա։ Ոստիկանությունն այնքան չի հերիքում, որ Նիկոլն իրենց է ուղարկում։ Նիկո՛լ, մի բարդացրա վիճակդ», - հայտարարել է Սաղաթելյանը։