Նիկոլ Փաշինյանը շատ լավ տեղեկացված էր այս ամբողջ սցենարին. քաղաքագետ
ՔԱՂԱՔԱԿԱՆՈՒԹՅՈՒՆՔաղաքագետ Գագիկ Համբարյանի հետ զրույցում 1or.am-ն անդրադարձել է ԱԺ-ում օրերս տեղի ունեցած միջադեպին.
«Ինձ համար ևս մեկ անգամ ակնհայտ դարձավ, որ մեր ընդդիմադիրները բացարձակ ծանոթ չեն Նիկոլի՝ մեր հասարակության նուրբ լարերի վրա ազդելու ունակությանը: Նախ, Արմեն Ռուսատմյանի արտաբերած տեքստը շատ թույլ էր, բայց դա մի կողմ եմ դնում: Ես ճիշտ չեմ համարում այն, որ իրենց ելույթը ունեցան ու գնացին: Իմաստը ո՞րն էր, հասարակության մոտ խորը հիասթափություն կսկսվի, տպավորություն է, թե իրենք այնքան վախկոտ էին, որ չուզեցան լսել դեմագոգ Նիկոլի պատասխանը»:
Քաղաքագետի խոսքով՝ Արմեն Ռուստամյանը և, առհասարակ, սցենարի հեղինակները, փորձ արեց Փաշինյանի հետ մարտնչել նրա դաշտում և պարտվեցին, որովհետև վերջինիս կանոններով չխաղացին.
«Ինձ թվում է՝ Նիկոլ Փաշինյանը շատ լավ տեղեկացված էր այս ամբողջ սցենարին և ինքը շատ հմտորեն օգտագործեց Արմեն Ռուստամյանի՝ հասարակությունից կտրված լինելու, մարդկանց մտածելակերպին ծանոթ չլինելու համգամանքը: Դրա մեղավորը հենց ընդդիմադիրներն են, ովքեր ինչ-որ բան կազմակերպելուց առաջ շատ լավ պետք է հասկանան, որ իրենց կազմակերպածից ինչ-որ մաս հասանելի է նույն իշխանություններին: Ինչու ոչ, նաև իրենց մեջ մարդիկ կան, ովքեր իշխանություններին տեղյակ են պահում՝ ինչ պետք է ձեռնարկի ընդդիմությունը: Ընդհանրապես, ընդդիմադիրների համար լավ կլինի, որ հարցեր տալուց հետո փորձեն լսել մինչև վերջ, հետո նոր հեռանան՝ մի երկու բառ ասելով, իսկ Նիկոլի ստերն ու կեղծիքները բացահայտելը բացարձակ դժվար չէ: Ինքն այս չորս տարիների ընթացքում բազմիցս ապացուցել էր, որ իր նման ստախոս, կեղծարար մանիպուլյատոր Հայաստանում մինչև հիմա չի եղել»:
Մարիամ Նալբանդյան