Որևէ մեկը չի կարող ժողովրդի ճնշումը կասեցնել. Իշխան Սաղաթելյան

«Դուք Նիկոլ չեք, մի արեք այդպիսի բան։ Եթե անեք, ամբողջ պատասխանատվությունը ձեր վզին է, որևէ մեկը չի կարող ժողովրդի ճնշումը կասեցնել»,- Երևանի քաղաքապետարանի շենքի մոտ ասաց ՀՅԴ ԳՄ ներկայացուցիչ Իշխան Սաղաթելյանը՝ դիմելով ոստիկանությանը։

Հիշեցնենք, որ Նիկոլ Փաշինյանի հրաժարականը պահանջող և Հայաստանի ու Արցախի անվտանգությամբ մտահոգ քաղաքացիները շրջափակել են Երևանի քաղաքապետարանի շենքը։

Տարածքում ոստիկանական նոր ուժեր են բերվել։

«Բախման մի տարեք»,- հորդորեց  Սաղաթելյանը։

Ոստիկաններն ասացին, որ իրենք ընդամենն  ուզում են հերթափոխություն կատարել։

«Չի կարելի, տանում եք բախման։ Չպետք է ոստիկանները մտնեն ժողովրդի մեջ»,- ասաց նա։