ՀԱՊԿ Միացյալ շտաբում խորհրդակցություններ են անցկացվել

ՀԱՊԿ Միացյալ շտաբում խորհրդակցություններ են անցկացվել ՀԱՊԿ խաղաղապահ ուժերի տեխնիկայի կատարելագործման վերաբերյալ, տեղեկանում ենք ՀԱՊԿի պաշտոնական տելեգրամյան ալիքից:

ՀԱՊԿ անդամ երկրների պաշտպանական գերատեսչությունների ներկայացուցիչները քննարկել են ՀԱՊԿ խաղաղապահ ուժերին ժամանակակից սպառազինությամբ, ռազմական և հատուկ տեխնիկայով, ինչպես նաև հատուկ միջոցներով զինելու հետ կապված հարցեր։

Խորհրդակցությունների մասնակիցները նշել են, որ այս ուղղությունը կնպաստի ՀԱՊԿ զորքերի (Հավաքական ուժերի) բաղկացուցիչ մասերի զարգացմանը և դրական ազդեցություն կունենա առաջադրանքներն ըստ նախատեսվածի կատարելու նրանց պատրաստակամության վրա։