Թուրքիան փոխում է երկրի պաշտոնական միջազգային անվանումը

Թուրքիան ՄԱԿ-ին է ուղարկել իր երկրի նոր պաշտոնական անվանումը՝ Türkiye։ Նախկինում այն ​​կոչվում էր Turkey։

ՄԱԿ-ի գլխավոր քարտուղարին ուղղված ուղերձը ֆեյսբուքյան իր էջում հրապարակել է Թուրքիայի արտգործնախարար Մևլութ Չավուշօղլուն։

«Գործընթացը, որը մենք սկսել ենք նախագահ Ռեջեփ Թայիփ Էրդողանի ղեկավարությամբ մեր երկրի բրենդի հեղինակության բարձրացման համար, մոտենում է ավարտին։ Նամակով, որը ես այսօր ուղարկել եմ ՄԱԿ-ի գլխավոր քարտուղարի անունով, մենք արտասահմանյան լեզուներով մեր երկրի անվանումը գրանցում ենք որպես Türkiye։ Թող դա մեզ բարիք տա» - գրել է Չավուշօղլուն։

Անկարան պահանջում է, որ երկրի անվան այս գրությունը լինի բոլոր միջազգային փաստաթղթերում։