Սա Արցախի ու ՀՀ-ի համար կործանարար գործընթաց է. ամեն ինչ արվում է ի հաշիվ մեր զիջումների. Շավարշ Քոչարյան

Հայ-ադրբեջանական բանակցությունների արդյունավետությունը գնահատելու համար դու պետք է պատկերացում ունենաս, թե ինչպիսի նպատակներ ունի կառավարությունը, որը վարում է այդ բանակցությունները. եթե նպատակ է դրված ձերբազատվել Արցախից, ապա միայն մի գնահատական կարող է լինել: Այս մասին NEWS.am-ի հետ զրույցում նշեց ԱԳ նախկին փոխնախարար Շավարշ Քոչարյանը:

«Այդ տեսակետից մենք միայն մեկ գնահատական կարող ենք տալ, որ ՀՀ իշխանությունները հետապնդում են այնպիսի նպատակներ, որոնք հակադիր են մեր ազգային շահերին»,-ասաց նա: