Չավին կհեռացնի Պիկեին մեկնարկային կազմից

Իսպանիայի փոխչեմպիոն «Բարսելոնայի» գլխավոր մարզիչ Չավին թիմի պաշտպան Ժերար Պիկեին հայտնել է, որ նոր մրցաշրջանում նրան տեղ չի հատկացնի մեկնարկային կազմում, հաղորդում է Mundo Deportivo-ն։

Չավին որոշումը հիմնավորել է ֆուտբոլիստի բազմաթիվ վնասվածքներով, պրոֆեսիոնալ աշխատանքին խանգարող բազմաթիվ գործոններով Պիկեի կյանքում։ Ակումբը նաեւ համարում է, որ ծանր ֆինանսական պայմաններում Պիկեի աշխատավարձը չափազանց բարձր է։

Այդուամենայնիվ, Պիկեն «Բարսելոնայից» հեռանալուց մտադրություն չունի։

Իսպանիայի անցած առաջնությունում նա մասնակցել է 27 հանդիպման, խփել 1 գոլ։

35-ամյա ֆուտբոլիստը 2008 թվականից է հանդես գալիս «Բարսելոնայում»։