Թուրքիայի ծրագրերն անհանգստացնում են Իրանին. Հոսսեյն Ամիր Աբդոլլահիան

Տիգրիս և Արաքս գետերի վրա ամբարտակներ կառուցելու Թուրքիայի ծրագրերն անհանգստացնում են Իրանին։ Այս մասին հայտարարել է Իրանի արտգործնախարար Հոսսեյն Ամիր Աբդոլլահիանը:

«Անընդունելի է, որ մեր բարեկամ և հարևան երկիր Թուրքիան ամբարտակաշինության ոլորտում միջոցներ է ձեռնարկել, որոնք կվնասեն տարածաշրջանի շրջակա միջավայրին, խնդիրներ կստեղծեն մեր ժողովրդի և տարածաշրջանի համար, իսկ մյուս կողմից՝ դրանք բացասաբար կանդրադառնան մեր երկիր մտնող ջրի քանակի վրա»,- ասել է նա։

Աբդոլլահիանը հայտնել է նաև, որ թուրքական պատվիրակությունը շուտով կայցելի Իրան։

Իրանի արտգործնախարարը նաեւ նշել է, որ ամբարտակներ կառուցելու Թուրքիայի ծրագրերից մեծապես կտուժեն թե՛ Իրանը, թե՛ Իրաքը։