Պատգամավորական աշխատանքն ինձ համար նոր չէ, ես իմ գործառույթները շատ լավ գիտեմ. Մարտուն Գրիգորյան

«Պատիվ ունեմ» խմբակցության արդեն նախկին ղեկավար Արթուր Վանեցյանի՝ մանդատը վայր դնելուց հետո այն թափուր էր մնացել։ Ցուցակով հաջորդը Մարտուն Գրիգորյանն է։

1or.am-ի հետ զրույցում Գրիգորյանը հաստատեց լուրերը, որ վերցնելու է պատգամավորական մանդատը.

Ես Շիրակի մարզից ընտրված պատգամավոր եմ, բնականաբար, Շիրակի մարզի խնդիրներով եմ զբաղվելու, որոնք շատ-շատ են։ Իսկ պատգամավորական աշխատանքն ինձ համար նոր չէ, ես 11 տարի պատգամավոր եմ եղել, և իմ անելիքները, գործառույթները շատ լավ գիտեմ»։

Ավելի վաղ Գրիգորյանը լրագրողներին ասել էր, որ խմբակցությունից դուրս գալու հարց չի քննարկում։

Մարիամ Նալբանդյան