Բարսելոնայի ստադիոնի անունը պաշտոնապես փոխվեց

«Բարսելոնան» պաշտոնապես փոխել է մարզադաշտի անունը՝ ելնելով Spotify-ի հետ պայմանագրի պայմաններից։

Հուլիսի 1-ին ուժի մեջ է մտել իսպանական ակումբի և շվեդական երաժշտական սերվիսի համագործակցության պայմանագիրը։

Հիմա կատալոնական ակումբի մարզադաշտը կկոչվի «Spotify Կամպ Նոու»։

Մարզադաշտի ճակատային հատվածում նոր անվան հետ պատկերված են տղամարդկանց և կանանց թիմերի ֆուտբոլիստները՝ Պեդրին, Պյեռ-Էմերիկ Օբամեյանգը, Անսու Ֆատին, Մարիա Լեոնը, Ալեքսիա Պուտելյասը և Այթանա Բոնմատին։

Ավելի վաղ հաղորդվում էր, որ «Բարսելոնան» մոտ 300 մլն եվրո կստանա Spotify-ի հետ պայմանագրից։