Էրդողանը հեռախոսազրույց է ունեցել Իսրայելի նորանշանակ վարչապետի հետ

Թուրքիայի նախագահ Ռեջեփ Թայիփ Էրդողանի և Իսրայելի նորանշանակ վարչապետ Յայիր Լապիդի միջև կայացել է հեռախոսազրույց: Այս մասին տեղեկացնում է ermenihaber.am-ը։

Ըստ Թուրքիայի նախագահականի հանրային կապերի վարչության տեղեկատվության՝ կողմերը քննարկել են թուրք-իսրայելական հարաբերություններին առնչվող հարցեր, ինչպես նաև տարածաշրջանային մի շարք խնդիրներ:

Հեռախոսազրույցի ընթացքում Էրդողանը Լապիդին շնորհավորել է վարչապետի պաշտոնը զբաղեցնելու կապակցությամբ: