«Բարսելոնան» պատրաստ է 72 միլիոն եվրո վճարել «Լիդսի» կիսապաշտպանի համար

Իսպանիայի փոխչեմպիոն «Բարսելոնան» պատրաստ է 72 միլիոն եվրո վճարել անգլիական «Լիդս Յունայթեդի» 25-ամյա բրազիլացի կիսապաշտպան Ռաֆինյա Դիասի համար, հաղորդում է twitter.com/FabrizioRomano-ն։

Անգլիական ակումբը կընդունի առաջարկը։ Ռաֆինյա Դիասի երազանքն է կատալոնական ակումբում խաղալը։

Անցած մրցաշրջանում Ռաֆինյա Դիասը «Լիդսի» հետ բոլոր մրցաշարերում մասնակցել է 35 հանդիպման, խփել 11 գոլ, կատարել 3 գոլային փոխանցում։ Նրա պայմանագիրը «Լիդսի» հետ նախատեսված է մինչեւ 2024թ․ հունիս։