Թուրքերի մեջ տարածվել է «Եհովայի վկաներ» դավանանքը. բացահայտում

Henaran.am-ը գրում է․

«Հատկանշական է, որ Թուրքիայում գնալով ավելանում են «Եհովայի վկաներ» կրոնական ուղղության ներկայացուցիչները: Ու դա հենց թուրքերի մեջ»,-Henaran.am-ի թղթակցի հետ զրույցում ասաց թուրքագետ Անդրանիկ Իսպիրյանը:

Թուրքագետը օրերս եղել է Թուրքիայում ու շփվել տարբեր մարդկանց հետ:

«Ամուսինը դիմել էր դատարան, որ բաժանվի կնոջից: Երկուսն էլ թուրքեր էին: Ամուսինը որպես պատճառ նշել էր, որ կինը «Եհովայի վկա» է դարձել: Դատարանը չէր բաժանել այս զույգին, ասելով , որ յուրաքանչյուր ոք ազատ է իր դավանանքը ընտրելու: Սա եզակի դեպք է Թուրքիայում»,-պատմեց Իսպիրյանը: