Պահանջելու եմ այցելել Ադրբեջանում պահվող մեր հայրենակիցներին․Մամիջանյանը կդիմի Ադրբեջանի Մեջլիսին

Տեղեկացնեմ, որ վաղը պաշտոնական նամակով դիմելու եմ Ադրբեջանի Միլլի Մեջլիսի խոսնակին՝ Ադրբեջանում անազատության մեջ պահվող մեր հայրենակիցներին տեսակցելու, իրենց առողջական վիճակին ու պահման պայմաններին ծանոթանալու նպատակով այցելություն կազմակերպելու պահանջով։ Այս մասին Ֆեյսբուքյան իր էջում գրել է  «Պատիվ ունեմ» խմբակցության պատգամավոր Հայկ Մամիջանյանը։

Նամակի վերաբերյալ տեղեկացնելու եմ նաեւ ԱՊՀ, ԵԽ եւ Եվրանեսթի խորհրդարանական վեհաժողովների նախագահներին, Եվրոպական խորհրդարանի նախագահին, ինչպես նաեւ ԵԱՀԿ Մինսկի խմբի համանախագահ երկրների ՀՀ դեսպաններին։