Միհրան Ծառուկյանը նոր ռեկորդ է գրանցել

Երգիչ Միհրան Ծառուկյանը տարեմուտին ներկայացրեց իր նոր՝ «Գնա, գնա» երգը, որը մեծ հաջողություն բերեց երգչին: 

Tert.am Life-ի հետ զրույցում Միհրանը նշեց, որ «Գնա-գնան» դիտումների և լայքերի քանակով գերազանցել է իր բոլոր մյուս երգերին՝ 1 ամսվա ընթացքում հատելով 6 միլիոնի սահմանը:

 «Թե´ լայքերի, թե´ դիտումների քանակով «Գնա-գնան» գերազանցել է իմ բոլոր երգերին: Չեմ ուզում ես խոսել այդ մասին, սակայն երաժիշտներն էլ են ասում, որ առաջին անգամ է այդքան լայք ու դիտում գրանցվում մեկ ամսվա ընթացքում»,- ասաց երգիչը:

 Ֆեյսբուքի իր էջում էլ Միհրանը գրել է. «6 միլիոն դիտում և 30 հազար հավանություն՝ ընդամենը 1 ամսում։ Այս ցուցանիշը ինձ համար ևս մի հաղթանակ է ձեր շնորհիվ, իմ շատ սիրելի և թանկ հանդիսատես։ Անչափ շնորհակալ եմ «YouTube»-ի իմ պաշտոնական էջի հետևորդներին՝ ջերմ խոսքերի և մեկնաբանությունների համար։ Շնորհակալ եմ, որ կողքիս եք, շնորհակալ եմ, որ կաք իմ հավատարիմ հանդիսատես»։