Հայաստանը և Ադրբեջանը շահագրգռված են ՇՀԿ-ում դիտորդի կարգավիճակ ստանալու հարցում. Լավրով

Շանհայի համագործակցության կազմակերպությունում (ՇՀԿ) որոշակի կոնսենսուս է ձեւավորվել Բելառուսի` որպես լիիրավ անդամ անդամակցելու վերաբերյալ: Այս մասին ՇՀԿ ԱԳՆԽ նիստի արդյունքներով հայտարարել է ՌԴ արտգործնախարար Սերգեյ Լավրովը։

«Ինչ վերաբերում է Բելառուսին, ապա ՇՀԿ-ում որոշակի կոնսենսուս է ձեւավորվել նրա՝ որպես լիիրավ անդամ անդամակցելու վերաբերյալ»,-ասել է Լավրովը, հաղորդում է ՏԱՍՍ-ը։  
Լավրովը հիշեցրել է, որ անցյալ տարի Իրանը ստացել է «պաշտոնական թեկնածուի կարգավիճակ» ՇՀԿ-ում, եւ նրա ամբողջական անդամակցության գործընթացն արդեն սկսվել է։ Նա նշել է, որ մի շարք արաբական երկրներ հետաքրքրություն են դրսեւորում, հետաքրքրված են նաեւ Հայաստանն ու Ադրբեջանը։
ՇՀԿ-ի հաջորդ գագաթաժողովը կանցկացվի սեպտեմբերի 15-ին եւ 16-ին Ուզբեկստանի Սամարղանդ քաղաքում։