Օգոստոսին՝ մարզային այցեր, սեպտեմբերի 2-ին՝ համահայաստանյան հանրահավաք․ «Դիմադրություն» շարժման ծրագիրը

Ֆրանսիայի հրապարակում հանրահավաքի ավարտին, անդրադառնալով շարժման առաջիկա անելիքներին, Իշխան Սաղաթելյանը տեղեկացրեց, որ օգոստոսին լինելու են մարզային այցելություններ։ Նրա խոսքով՝ արդեն ձևավորվել են մարզային խորհուրդները։

Օգոստոսի կեսին նախատեսված է նաև համահայկական Դիմադրության ֆորում, որտեղ կհրավիրվեն Հայաստանից , Արցախից, Սփյուռքից քաղաքական ուժերի հայտնի գործիչներ և մտավորականներ։

Սաղաթելյանը հայտնեց, որ սեպտեմբերի 2-ին Արցախի Հանրապետության անկախության օրվա առթիվ Ֆրանսիայի հրապարակում  տեղի կունենա համահայաստանյան հանրահավաք։ Նույն օրը նախատեսված են հանրահավաքներ և միջոցառումներ Արցախում։