Խաչատուր Քոքոբելյանի հայրը գտնվել է

ԱԺ նախկին պատգամավոր Խաչատուր Քոքոբելյանի հայրը` Գրիշա Քոքոբելյանը, գտնվել է։ Այս մասին նախկին պատգամավորը հայտնել է Ֆեյսբուքի իր էջում։

Հուլիսի 28-ն հայտնի դարձավ, որ կորել է ԱԺ նախկին պատգամավոր Խաչատուր Քոքոբելյանի հայրը։ Նրա անհետացման դեպքի առիթով ՀՀ քննչական կոմիտեի Տավուշի մարզային քննչական վարչությունում նախաձեռնվել է քրեական վարույթ։

 

Քոքոբելյանը շնորհակալություն է հայտնել բոլոր մարդկանց, ովքեր իրենց կողքին էին այս օրերին:

 

Նա նաև երախտագիտություն է հայտնել պետական համապատասխան կառույցներին իրենց ներդրած բոլոր ջանքերի համար:

Նշենք, որ Աչաջուր գյուղի բնակիչ 83-ամյա Գրիշա Քոքոբելյանը հուլիսի 26-ին էր դուրս եկել տնից և մի քանի օր չէր վերադարձել։