ՌԴ ՊՆ-ն՝ Ղրիմում տեղի ունեցած պայթյունների մասին

ՌԴ պաշտպանության նախարարությունը հայտարարություն է տարածել, որում ասվում է, որ Նովոֆեդորովկայում պայթյունները պայմանավորված են մի քանի ավիացիոն զինամթերքի պայթյունով։

«Պայթյունի հետևանքով ոչ ոք չի տուժել։ Օդանավակայանի ավիացիոն տեխնիկան չի վնասվել: Ձեռնարկվում են միջոցներ հրդեհը մարելու և պայթյունի պատճառները պարզելու ուղղությամբ»,- հայտնում է ՌԴ ՊՆ-ն։

Նշենք, որ նախնական տվյալներով՝ պայթյունը տեղի է ունեցել հանգստյան գոտուց հեռու, զբոսաշրջիկների շրջանում զոհեր և վիրավորներ չկան: