Դասաժամեր՝ ըստ քաղաքական հայացքների. «Փաստ»

«Փաստ» օրաթերթը գրում է

Հերթական ուսումնական տարվա մեկնարկին շատ քիչ ժամանակ է մնացել. այս օրերին դպրոցներում արդեն սկսվել են նախապատրաստական գործընթացներն ու դասաբաշխման աշխատանքները։ Շատ է խոսվել այն մասին, որ օրվա իշխանությունները հատուկ վերաբերմունք ունեն դպրոցների և ողջ կրթական համակարգի նկատմամբ և փորձում են ամեն գնով այն հարմարեցնել իրենց քաղաքական քիմքին։

«Փաստ» թերթի տեղեկություններով, այս օրերին որոշ դպրոցներում դասաժամերը բաշխվում են՝ առաջին հերթին հաշվի առնելով տվյալ ուսուցչի քաղաքական ուղղվածությունը։ Մենք ահազանգեր ենք ստացել, որ տնօրենները «վերևներից» հատուկ հրահանգ են ստացել դասաժամերը բաշխել իս առաջնայնությունը տալ իշխանությանը սատարող և առաջիկա ՏԻՄ ընտրություններում իրենց աջակցել պատրաստվող ուսուցիչներին (ի դեպ, մի քանի դպրոցի տնօրեններ ընդգրկված են իշխանության ավագանու ցուցակներում)։

Ըստ էության, հաշվի չի առնվում ուսուցիչների երկարամյա վաստակը և կրթական համակարգում ունեցած ավանդը, այլ առաջին հերթին նկատի է առնվում զուտ իշխանության «գրպանում» լինելու փաստը։ Նշենք, որ նման տեղեկություններ առավելապես ստանում ենք մարզերից։

Մանրամասները՝ «Փաստ» օրաթերթի այսօրվա համարում