Ռուբեն Սադոյանը հետ է կանչվել Վրաստանում ՀՀ դեսպանի պաշտոնից, նշանակվել է նոր դեսպան

Հայաստանի նախագահ Վահագն Խաչատուրյանի հրամանագրով Ռուբեն Սադոյանը հետ է կանչվել Վրաստանում Հայաստանի դեսպանի պաշտոնից:

Նախագահի մեկ այլ հրամանագրով Վրաստանում Հայաստանի դեսպան է նշանակվել Աշոտ Սմբատյանը:

«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 14-րդ հոդվածի 1-ին մասի.

Աշոտ ՍՄԲԱՏՅԱՆԻՆ նշանակել Վրաստանում Հայաստանի Հանրապետության արտակարգ և լիազոր դեսպան (նստավայրը՝ Թբիլիսի)»,-ասված է նախագահի ստորագրած հրամանագրում։