ՆԱՏՕ-ի ռազմական կոմիտեն Շվեդիայի և Ֆինլանդիայի մասնակցությամբ համաժողով կհրավիրի

ՆԱՏՕ-ի ռազմական կոմիտեն առաջին անգամ Շվեդիայի և Ֆինլանդիայի մասնակցությամբ համաժողով կհրավիրի, որը կանցկացվի սեպտեմբերի16-18-ը Էստոնիայի մայրաքաղաք Տալլինում։ Տեղեկությունը հայտնում է RT-ն՝ հղում անելով ՆԱՏՕ-ի մամուլի ծառայությանը։

 

Հանդիպման մասնակիցները ծրագրում են քննարկել Հյուսիսատլանտյան դաշինքի ռազմավարական զարգացումները։

 

«Համաժողովին առաջին անգամ կմասնակցեն Ֆինլանդիայի և Շվեդիայի պաշտպանության շտաբների պետերը»,- նշված է հաղորդագրության մեջ:

 

Հիշեցնենք` Ուկրաինայում ընթացող ռուսական հատուկ ռազմական գործողության ֆոնին Ֆինլանդիան և Շվեդիան մայիսին ՆԱՏՕ-ի գլխավոր քարտուղարին փոխանցեցին դաշինքին անդամակցելու հայտերը:

 

Սկզբում Թուրքիան արգելափակեց այդ հայտերի քննարկման գործընթացը, բայց հետո Շվեդիան, Ֆինլանդիան և Թուրքիան անվտանգության հուշագիր ստորագրեցին, որով սկիզբ դրեցին ՆԱՏՕ-ի անդամակցության շուրջ բանակցություններին: