«Բարսելոնան» խզեց պայմանագիրը Մարտին Բրեյթուեյթի հետ

Իսպանիայի փոխչեմպիոն «Բարսելոնան» խզեց պայմանագիրը դանիացի հարձակվող Մարտին Բրեյթուեյթի հետ, հաղորդում է կատալոնական ակումբի մամուլի ծառայությունը։

31-ամյա ֆուտբոլիստի պայմանագիրը նախատեսված էր մինչեւ 2024թ․ հունիս։ «Բարսելոնան» շնորհակալություն է հայտնել Մարտին Բրեյթուեյթին եւ մաղթել հաջողություն։

Մարտին Բրեյթուեյթը «Բարսելոնա» էր տեղափոխվել 2020-ին իսպանական «Լեգանեսից»։ Այս ընթացքում նա «Բարսելոնայի» հետ մասնակցել է 59 հանդիպման բոլոր մրցաշարերում, խփել 10 գոլ, կատարել 3 գոլային փոխանցում։ Անցած մրցաշրջանի մեծ մասը նա բաց էր թողել ծնկի վնասվածքի պատճառով։