Ռուսական բանակն Ուկրաինայում մոտ 3000 օտարերկրյա վարձկան է ոչնչացրել. Շոյգու

ՌԴ ԶՈւ-ն հատուկ ռազմական գործողության մեկնարկից ի վեր Ուկրաինայի կողմից կռվող մոտ երեք հազար օտարերկրյա վարձկան է ոչնչացրել։ Այս մասին ուրբաթ կայացած նիստում  հայտարարել է ՌԴ պաշտպանության նախարար Սերգեյ Շոյգուն, գրում է ՏԱՍՍ-ը։

«Ուկրաինայի զինված ուժերի մեծ կորուստների ֆոնին օտարերկրյա վարձկանների ներհոսքի նվազում է նկատվում, հատուկ գործողության սկզբից նրանց թիվը նվազել է ավելի քան երեքուկես անգամ՝ գրեթե երեք հազարով։ Ոչնչացվել է 2831 զինյալ»,- ասել է ռազմական գերատեսչության ղեկավարը։