Մահացել է Մեծ Բրիտանիայի թագուհի Եղիսաբեթ II-ը

Մեծ Բրիտանիայի Եղիսաբեթ II թագուհին մահացել է 96 տարեկանում։ Այս մասին հայտնում է Բուքինգհեմյան պալատը:

Հիշեցնենք, որ այսօր Բուքինգհեմյան պալատն ավելի վաղ հայտարարել էր, որ թագուհու առողջական վիճակը վատացել է, նա բժիշկների հսկողության տակ է։

Թագուհին Շոտլանդիայում գտնվող Բալմորալ ամրոցում էր, որտեղ նրան այցելության էին մեկնել ընտանիքի բոլոր անդամները։ Թագուհու վատառողջ լինելու մասին լուրից հետո Լոնդոնում մարդիկ հավաքվել էին Բուքինգհեմյան պալատի մոտ։