Վիճակն օրհասական է, մեկ սեղանի շուրջ պետք է հավաքվեն ՀՀ նախկին նախագահները, պաշտպանության նախարարները, կաթողիկոսը․ Իշխան Սաղաթելյան

Վիճակը օրհասական է, անհրաժեշտ է, որ երկրի բոլոր ազդեցիկ դեմքերը առաջիկայում հավաքվեն մեկ սեղանի շուրջ՝ սկսած Հայոց Վեհափառից, վերջացրած նախկին նախագահներից, բոլոր ԱԳ նախարարներից, ԳՇ պետերից, պաշտպանության նախկին նախարարներից։ Այս մասին ԱԺ-ում լրագրողների հետ ճեպազրույցի ընթացքում ասաց «Հայաստան» խմբակցության պատգամավոր Իշխան Սաղաթելյանը

«Կարող ուժերը պետք է համախմբվեն, ընդունեն համապատսխան որոշումներ երկիրը ստեղծված իրավիճակից դուրս բերելու համար։ Այս մարդիկ ի վիճակի չեն և ադեկվատ չեն ղեկավարելու մեր երկիրը»,- ասաց նա։

Սաղաթելյանը նշեց, որ իշխանությունները պարտության խորհրդանիշ են և երկիրը տանում են կործանման։