Ադրբեջանի ԶՈՒ-ն այնպիսի վայրագություններ է իրագործել մեր զինծառայողների նկատմամբ, որ մարդիկ, գուցե, չկարողանան դիտել այդ կադրերը. ԳՇ պետ

ՀՀ ԶՈՒ-ն կշարունակի հայրենիքի ռազմական անվտանգության բոլոր միջոցառումների իրականացումը, այս մասին դեսպանների հետ հանդիպմանը հայտարարեց ՀՀ ԶՈՒ գլխավոր շտաբի պետ Էդվարդ Ասրյանը։

Նա ասաց, որ Ադրբեջանի ԶՈՒ-ն վայրագություններ է իրագործել հայկական մարտական դիրքերում մեր զինծառայողների, այդ թվում՝ կին զինծառայողների նկատմամբ։

«Այդ նկարներն ու տեսանյութը ես բջջային հեռախոսում ունեմ, որը, ըստ ձեր ցանկության, կարող եմ ցուցադրել։ Ասում եմ՝ այնտեղ կան այնպիսի վայրագություններ, որ մարդիկ, գուցե, չկարողանան դիտել այդ վայրագությունները», - նշեց ԳՇ պետը։