Վերջին օրերի զոհերի անունները չեն հրապարակում, որովհետև կպարզվի, որ զոհերի թիվն անհամեմատ մեծ է. Կարեն Քոչարյան

Քաղտեխնոլոգ Կարեն Քոչարյանը ֆեյսբուքյան իր էջում գրում է. 

2 տարի է չեն հրապարակում 44-օրյա պատերազմում զոհված հերոսների անունները (իբր պետական գաղտնիք է): Տեսեք-տեսեք երկրի սահմանները ավազի մաղից ավելի ծակ է, իսկ սրանք դեռ ինչ-որ գաղտնիքներից են խոսում: Հիմա չեն հրապարակում վերջին օրերի զոհերի անունները:

Միակ պատճառն այն է, որ հերթական անգամ խաբում են: Որովհետև, եթե հրապարակեն անունները կպարզվի, որ զոհերի թիվն անհամեմատ մեծ է: Իսկ, եթե հրապարակեն ոչ ամբողջական (իրենց հայտարարած թվով) ցուցակներ, ապա մեծ աղմուկ կբարձրանա, երբ հարյուրավոր (կամ մի գուցե հազարավոր) զոհվածների հարազատները չգտնեն իրենց զավակների անունները այդ ցուցակում: