Անչելոտի․ Կարծում եմ՝ Կուրտուան կմասնակցի «Էլ Կլասիկոյին»
ՍՊՈՐՏ
Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալի» իտալացի գլխավոր մարզիչ Կառլո Անչելոտին խոսել է թիմի ֆրանսիացի հարձակվող Քարիմ Բենզեմայի եւ բելգիացի դարպասապահ Տիբո Կուրտուայի մարզավիճակի մասին։
«Բենզեման մեկ ամսվա դադարից հետո երկու հանդիպում անցկացրեց եւ ծանրաբեռնվածությունը զգացվում է։ Չի բացառվում, որ վաղը նա ստանա խաղաժամանակ։
Կուրտուայի վիճակը դեռ վերջնական պարզ չէ։ «Շախտյորի» դեմ Չեմպիոնների լիգայի հաջորդ հանդիպումը նա, հավանաբար, բաց կթողնի, բայց կարծում եմ Կուրտուան կմասնակցի «Էլ Կլասիկոյին»»,- Անչելոտիի խոսքը մեջբերում է AS-ը։ Դարպասապահը բուժում է ստանում ռադիկուլիտի դեմ։
Իսպանիայի առաջնության «Ռեալ» - «Բարսելոնա» հանդիպումը տեղի կունենա հոկտեմբերի 16-ին։
