Չավուշօղլուն ասել է, որ պատրաստ է հանդիպել Միրզոյանի հետ

Թուրքիայի արտգործնախարար Մևլյութ Չավուշօղլուն ասել է, որ պատրաստ է հանդիպել իր հայ գործընկեր Արարատ Միրզոյանի հետ, սակայն ելույթների կոնկրետ ժամկետ դեռ չի սահմանվել:

«Մենք միշտ պատրաստ ենք նման հանդիպման, Անթալիայում դիվանագիտական ֆորումի ընթացքում նման հանդիպում տեղի է ունեցել: Մենք խնդիր չենք տեսնում, բայց տվյալ պահին կոնկրետ ժամկետներ չկան»,- Ստամբուլում մամուլի ասուլիսի ժամանակ ասել է թուրք նախարարը:

Նրա խոսքով՝ Թուրքիայի և Հայաստանի հատուկ ներկայացուցիչները կապի մեջ են, որպեսզի հարաբերությունների բնականոնացման գործընթացի մասով և մեկ հանդիպում անցկացվի:

«Ինչպես արդեն հայտնել եմ, ձեռք է բերվել պայմանավորվածություն, որ այսուհետ այդ հանդիպումները կկայանան կամ Թուրքիայի, կամ էլ Հայաստանի տարածքում»,- ընդգծել է Չավուշօղլուն: