Եվրամիությունը ակտիվ մասնակցություն է ունենում պետությունների ինքնիշխանության և ամբողջականության նկատմամբ հարգանքի ապահովման գործում. Ֆրանսիայի ԱԳ նախարար

«ԵՄ խորհուրդը որոշել է եվրոպական քաղաքացիական դիտորդական առաքելություն տեղակայել Հայաստանի տարածքում՝ սահմանին։ Եվրամիությունը ակտիվ մասնակցություն է ունենում պետությունների ինքնիշխանության և ամբողջականության նկատմամբ հարգանքի ապահովման գործում»։ Այս մասին Twitter-ի իր էջում գրել է Ֆրանսիայի արտաքին գործերի նախարար Քեթրին Կոլոնան:

Ավելի վաղ  ԵՄ արտաքին քաղաքականության և անվտանգության հարցերով բարձր հանձնակատար Ժոզեպ Բորելը հայտարարել էր, որ հայ-ադրբեջանական սահմանին տեղակայելու համար ստեղծված ԵՄ քաղաքացիական դիտորդական առաքելության թիմն արդեն Հայաստանում է, և այն օպերատիվորեն կտեղակայվի: