«Ակնհայտ է, որ բալանսը փոխվում է տարածաշրջանում». Փրայսը հայ-մերիկյան ռազմական համագործակցության ծրագրեր չնշեց

Ակնհայտ է, որ բալանսը փոխվում է տարածաշրջանում՝ հաշվի առնելով Ռուսաստանի հետ կապված իրադարձությունները: Այդ մասին այսօր՝ հոկտեմբերի 18-ին, ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանի հետ համատեղ մամուլի ասուլիսի ժամանակ հայտարարեց ԱՄՆ Ներկայացուցիչների պալատի Ժողովրդավարական գործընկերության հանձնախմբի (ԺԳՀ) նախագահ Դեյվիդ Փրայսը:

Հարցին, թե ինչպիսին կարող է լիներ հայ-ամերիկյան ռազմական համագործակցությունը, արդյոք կան կոնկրետ ծրագրեր, Փրայսը նախ ասաց, որ կոնկրետ դրա վերաբերյալ այսօր հայտարարություն չունի ներկայացնելու, ապա հավելեց. «Միգուցե որոշ ուժեր այլեւս այդքան արմատական չեն, ինչպես  եղել են եւ վստահաբար, կլինեն փոփոխություններ: Այս պահին քննարկումներ տեղի են ունենում եւ մեր ընկերների միջեւ, եւ նրանց հետ միասին, մասնավորապես այն մասին, թե ինչ հարաբերություններ կզարգանան, ներառյալ անվտանգային տիրույթում: Կարող եմ ասել, որ այդ քննարկումները բավականին ինտենսիվ  ընթանում են այս պահին»: