Բայդենի խորհրդականը գաղտնի հանդիպել է Զելենսկու հետ

ԱՄՆ նախագահ Ջո Բայդենի ազգային անվտանգության հարցերով խորհրդական Ջեյք Սալիվանը չհայտարարված այց է կատարել Կիև, հայտնում է Bloomberg-ը։

Նշվում է, որ Սալիվանը գաղտնի հանդիպել է Ուկրաինայի նախագահ Վլադիմիր Զելենսկու հետ ուրբաթ օրը՝ նոյեմբերի 4-ին։ Բացի այդ, ամերիկացի պաշտոնյան հանդիպել է Զելենսկու գրասենյակի ղեկավար Անդրեյ Երմակի հետ։

Երկխոսությունների և Սալիվանի այցի մանրամասները չեն հաղորդվում։ Միացյալ Նահանգների վարչակազմը դեռ չի հաստատել կամ հերքել Bloomberg-ի հրապարակած տվյալները։