Փորձագետ. Ռուսաստանը և Իրանը դե ֆակտո ստեղծել են ռազմական դաշինք
ՎԵՐԼՈՒԾՈՒԹՅՈՒՆՆԵՐ
Regnum.ru–ն գրում է, որ Իրանի և Ռուսաստանի միջև ձևավորվող դե ֆակտո դաշինքը թույլ չի տա Արևմուտքին Անդրկովկասում տիրանալ նախաձեռնությանը։ Այս մասին նոյեմբերի REGNUM-ի թղթակցին հայտնել է Ազատագրում շարժման առաջնորդ, @mikayelbad հեռագրային ալիքի հեղինակ Միքայել Բադալյանը։
«Կար մի պահ, երբ Արևմուտքն իրոք վերցրեց Հայաստանի և Ադրբեջանի միջև հարցերը լուծելու նախաձեռնությունը, բայց այն բանից հետո, երբ Իրանը չափազանց լուրջ զորավարժություններ անցկացրեց Ադրբեջանի հետ սահմանին այնտեղ հավաքելով 130 հազարանոց զորախումբ, այդ տարբերակը դադարեց գոյություն ունենալ։ Ես տեսնում եմ, որ Իրանի և Ռուսաստանի միջև արդեն դե ֆակտո ռազմական դաշինք կա, և Իրանը ծածկում է Ռուսաստանի հարավային սահմանները։ Դա, իհարկե, հասկանում է Արևմուտքը, որն այժմ փորձում է վերադառնալ կամ ինչ-որ կերպ տիրանալ նախաձեռնությանը, բայց դա անել չի հաջողվի»,- ասել է փորձագետը։
Հիշեցնենք, որ նոյեմբերի 7-ին Վաշինգտոնում տեղի է ունեցել ԱՄՆ պետքարտուղար Էնթոնի Բլինկենի եւ Հայաստանի ու Ադրբեջանի արտգործնախարարներ Արարատ Միրզոյանի ու Ջեյհուն Բայրամովի հանդիպումը։
Նյութը հրապարակման պատրաստեց Կամո Խաչիկյանը
