Արևմուտքը չի կարող մեղադրել Ռուսաստանին. Լավրով

Ռուսաստանի արտգործնախարար Սերգեյ Լավրովը Ինդոնեզիայում G20-ի գագաթնաժողովի ժամանակ հայտարարել է, որ արևմտյան երկրները փորձել են քաղաքականացնել G20-ի վերջնական հռչակագիրը՝ փորձելով ամբողջ G20-ի անունից դատապարտել Մոսկվայի գործողությունները ուկրաինական հակամարտությունում, փոխանցում է ՏԱՍՍ-ը։

«Արևմուտքն ավելացրել է այն արտահայտությունը, որ «շատ պատվիրակություններ դատապարտեցին Ռուսաստանին, մենք գրեցինք, որ ներկայացված են նաև այլընտրանքային տեսակետներ, կարծում ենք, որ դա բավական է», - ասել է դիվանագետը։

Լավրովը հավելել է, որ հռչակագրի նախագծում նշվում է ուկրաինական հակամարտության հարցում կողմերի «կարծիքների փոխանակումը»։ Այսինքն՝ փաստաթղթում ի վերջո արտացոլված են Ուկրաինայում տեղի ունեցողի տեսակետները թե՛ Մոսկվայից, թե՛ Արևմուտքից։

Ավելի վաղ Լավրովը «անիրատեսական և ոչ ադեկվատ» էր անվանել Ուկրաինայի նախագահ Զելենսկու պահանջները ռուս-ուկրաինական բանակցությունների վերաբերյալ։