Պատրաստ ենք խոսել Ղարաբաղում ապրող հայերի, բայց ոչ Մոսկվայի կողմից ուղարկված Վարդանյանի հետ. Ալիև
ՔԱՂԱՔԱԿԱՆՈՒԹՅՈՒՆ
«Մենք պատրաստ ենք խոսել այն մարդկանց հետ, ովքեր ապրում են Ղարաբաղում և ցանկանում են այնտեղ ապրել, բայց ոչ Մոսկվայի կողմից ուղարկված Վարդանյանի հետ։ Մենք պատրաստ ենք դրան։ Ի դեպ, այս գործընթացը սկսվել է»։ Այս մասին հայտարարել է Ադրբեջանի նախագահ Իլհամ Ալիևը Արևելյան գործընկերության հարցերով Եվրամիության հատուկ բանագնաց Դիրկ Շյուբելի գլխավորած պատվիրակության ընդունելության ժամանակ, գրում է APA-ն։
«Եթե փորձեր չլինեին կասեցնելու այս գործընթացը, ապա կարծում եմ, որ գործընթացը կարող էր ավելի դինամիկ լինել։ Բայց սա կապ չունի Փաշինյանի ու նրա իշխանության հետ։ Ինչպես ասացի, պետք է կոնսենսուս լինի Ադրբեջանի, Եվրամիության, ԱՄՆ-ի և Ռուսաստանի միջև, այսինքն՝ այն երկրների և կառույցների միջև, որոնք, Ադրբեջանի կարծիքով, կարող են աջակցել այդ աշխատանքին»,- ասել է Ալիևը։
