Ընկել ենք մի շիշ արաղի հետևից

ԱԺ-ում պատգամավոր Նիկոլ Փաշինյանն ելույթ ունենցավ Հարկային օրենսգրքում նախատեսվող փոփոխությունների վերաբերյալ:

Փաշինյանը շեշտեց՝ մեր երկրում այսօր 361 հազար ակտիվ հարկատու կա և 54 հազար ակտիվ անհատ ձեռներեց։

Փաշինյանը շեշտեց՝ ըստ էության այդ 410 հազար հոգու վրա է ընկած 525 հազար թոշակառուների թոշակի վճարման բեռը։ Ու դեռ 2018 թ. հունվարի 1-ից պարտադիր կուտակայինի բաղադրիչն է ավելանում։

«Այսինքն՝ պետությունն այս մարդկանց բռնել, քամում է. արդյունքը՝ արտագաղթի տեմպի աճը, գործազրկություն: Պետությունով ընկել եք էդ մի շիշ արաղի հետևից, որ մարդը Նոր տարուն կամ ծնունդին պետք է առնի», – ասաց Փաշինյանը։