Ամերիկյան հետախուզական անօդաչու թռչող սարքը նկատվել է Ղրիմի ափերի մոտ

Սև ծովում նկատվել է ամերիկյան ռազմավարական հետախուզական անօդաչու թռչող սարք (ԱԹՍ): Այս մասին «Tape.ru»-ին հայտնի է դարձել Flightradar պորտալի տվյալներից։

Աղբյուրի տվյալներով՝ RQ-4B Global Hawk-ը՝ FORTE10 կանչի նշանով, երկուշաբթի՝ դեկտեմբերի 12-ին, օդ է բարձրացել իտալական Սիցիլիա կղզու Սիգոնելլա ռազմածովային ավիաբազայից և Մոսկվայի ժամանակով ժամը 11։00-ի սահմաններում սկսել է պտտվել Ղրիմի ափերի մոտ։ Հայտնի է, որ սարքը ֆիքսվել է թերակղզուց ուղիղ գծով մոտ 100 կիլոմետր հեռավորության վրա։

Բացի այդ, Ռումինիայի տարածքում՝ Օդեսայի շրջանի մոտակայքում, գտնվել է ամերիկյան Lockheed EP-3E Aries II էլեկտրոնային հետախուզական ինքնաթիռ՝ TD45 կանչի նշանով։