ԱՄՆ-ն կոչ է անում Ադրբեջանին վերականգնել Լաչինի միջանցքով ազատ տեղաշարժը

Մենք հստակ հայտարարել ենք, որ Լաչինի միջանցքի փակումը ծանր հումանիտար հետևանքներ ունի և ձգձգում է խաղաղության գործընթացը։ Մենք կոչ ենք անում Ադրբեջանի կառավարությանը վերականգնել ազատ տեղաշարժը միջանցքով։ Այս մասին հայտարարել է ԱՄՆ Պետդեպարտամենտի խոսնակ Նեդ Փրայսը։

«Էներգետիկ ենթակառուցվածքների ցանկացած կասեցում, և մենք տեսել ենք էներգետիկ ենթակառուցվածքների կասեցման մասին հաղորդումներ, կարող է սրել հումանիտար ճգնաժամը, հատկապես ձմռան ամիսներին։ Անընդունելի է Լեռնային Ղարաբաղի խաղաղ բնակչությանը [վնաս] պատճառելը»,- ասել է Փրայսը։