Ռուսաստանն ու Բելառուսը հերթական համաձայնագիրն են ստորագրել

Ռուսաստանը և Բելառուսը միջկառավարական համաձայնագիր են ստորագրել ներքին ջրային ուղիներով նավագնացության մասին։ Այս մասին հայտնում է РИА Новости-ն՝ հղում անելով Բելառուսի տրանսպորտի նախարարությանը։

«Փաստաթղթերը ստորագրել են Բելառուսի տրանսպորտի և կապի փոխնախարար Նատալյա Ալեքսանդրովիչը և Ռուսաստանի տրանսպորտի փոխնախարար Ալեքսանդր Պոշիվայը»,- ասվում է գերատեսչության հաղորդագրության մեջ։

Պաշտոնյաները նշել են, որ փաստաթուղթը ևս մեկ քայլ է միութենական պետության կազմում ինտեգրվելու ուղղությամբ։ Դա Մոսկվային և Մինսկին թույլ կտա արագացնել ապրանքների առաքման նոր լոգիստիկ սխեմաների ձևավորման աշխատանքները։