Ֆրանսիան կոչ է արել Ադրբեջանին վերականգնել Լաչինի միջանցքով ազատ տեղաշարժը

ԵԱՀԿ-ում Ֆրանսիայի մշտական ​​ներկայացուցչությունն Ադրբեջանին կոչ է արել ապաշրջափակել Լաչինի միջանցքը։ Համապատասխան հայտարարությունը տարածվել է ներկայացուցչության Twitter-ի էջում։

«ԵՄ-ի հետ մեկտեղ Ֆրանսիան կշարունակի նպաստել Հայաստանի և Ադրբեջանի միջև երկխոսության զարգացմանն ուղղված ջանքերին, այդ թվում՝ ԵԱՀԿ-ի շրջանակներում։ Ֆրանսիան կոչ է անում Ադրբեջանին վերականգնել ազատ տեղաշարժը Լաչինի միջանցքով, որը արգելափակված է անցյալ տարվա դեկտեմբերի 12-ից»,- ասված է հայտարարությունում։